Մոլդովայի նախագահ Իգոր Դոդոնը հայտարարել է, որ մտադիր է Բրյուսելում ՆԱՏՕ-ի ղեկավարության հետ հանդիպմանը բարձրացնել դաշինքի հետ համաձայնագրի չեղարկման հարցը։ Այս մասին հաղորդում է RIA Novosti-ն։
«Մտադիր եմ պնդել Քիշինևում նԱՏՕ-ի բյուրո բացելու մասին համաձայնագրի չեղարկման հարցը։ Ավելին, մտադիր եմ Բրյուսելում առաջարկել համաձայնագիր՝ ՆԱՏՕ-ի կողմից Մոլդովայի չեզոքությունը ճանաչելու վերաբերյալ»,-հայտարարել է Դոդոնը։
2016թ․ նոյեմբերի վերջին Մոլդովայի վարչապետը և ՆԱՏՕ-ի գլխավոր քարտուղարը ստորագրել էին համաձայնագիր Քիշինևում ՆԱՏՕ-ի բյուրո բացելու վերաբերյալ։ Համապատասխան փաստաթուղթն ավելի ուշ վավերացրել էր հանրապետության խորհրդարանը։ Ավելի ուշ Մոլդովայի նորընտիր նախագահ Դոդոնը քննադատել էր Քիշինևում ՆԱՏՕ-ի գրասենյակ բացելու մասին համաձայնագիրը։