Ամերիկացի սենատորների խումբը՝ կազմված ինչպես Դեմոկրատական կուսակցության ներկայացուցիչներից, այնպես էլ հանրապետականներից, մտադիր է ներկայացնել օրինագիծ, որը կարգելափակի նախագահ Դոնալդ Թրամփի հնարավորությունը՝ հանելու պատժամիջոցները Ռուսաստանի վրայից։
Ինչպես ABC-ի հետ հարցազրույցում ասել է սենատում դեմոկրատների առաջնորդ Չակ Շումերը՝ օրենսդիրները մտավախություն ունեն, որ Թրամփի վարչակազմը կարող է չեղարկել պատժամիջոցները Ռուսաստանի կողմից միջուկային սպառազինության կրճատման դիմաց։
«Եթե մենք չեղարկենք պատժամիջոցները, ապա կասենք Ռուսաստանին. «Եկե՛ք, շարունակե՛ք միջամտել մեր ընտրություններին և անել այլ վատ բաներ»։ Դա նույնպիսի ազդանշան կուղղի նաև Չինաստանին և Իրանին։ Դա սարսափելի կլինի»,-ասել է Շումերը։
Նրա խոսքով՝ փաստաթղթին աջակցություն են հայտնել հանրապետական սենատորներ Ջոն Մաքքեյնն ու Լինդսի Գրեմը։ Նրանք երկուսն էլ ավելի վաղ քննադատել էին Թրամփի հեռատորաբանությունը Ռուսաստանի նկատմամբ։ Ինչպես սպասվում է, օրինագիծը Կոնգրես կներկայացվի արդեն հաջորդ շաբաթ։