Twitter միկրոբլոգների ցանցում The New York Times-ի օգտահաշիվներից մեկում հայտնվել է հաղորդագրություն այն մասին, որ Մոսկվան որոշում է ընդունել ԱՄՆ-ին հրթիռային հարված հասցնելու մասին։ Արդյունքում արզվել է, որ էջը ենթարկվել է ցանցահենային հարձակման։ Այս մասին հայտնում է The Hill-ը։
«Հրատապ նորություն։ Վլադիմիր Պուտինի հայտարարությունից հետևում է, որ Ռուսաստանը հրթիռային հարված կհասցնի ԱՄՆ-ին»,-ասվել է հաղորդագրությունում, որը հրապարակվել էր կիրակի առավոտյան։
Շուտով պարբերականը հայտնել էր օգտահաշվի կոտրման մասին։ «Մենք ջնջել ենք մի քանի թվիթ, որոնք հրապարակվել էին այս առավոտ առանց մեր թույլտվության։ Մենք հետաքննություն ենք անցկացնում»։
The Hill-ի տվյալներով՝ NYT-ի էջը կարող էր հայտնված լինել OurMine թիմի ցանցահենների ձեռքում, որի գործունեությունը բազմիցս գրավել է ԶԼՄ-ների ուշադրությունը։ Խումբը Twitter-ով տարածել էր շշուկներ Եղիսաբեթ II-ի և երգչուհի Բրիթնի Սպիրսի մահվան մասին։ Շաբաթ օրը BBC-ի միկրոբլոգներից մեկում հայտնվել էր հաղորդագրություն երդմնակալության արարողության ժամանակ Դոնալդ Թրամփի վիրավորվելու մասին։ Ավելի ուշ հեռուստաալիքը հայտնել էր Twitter-ի օգտահաշվի կոտրման մասին։