Ֆրանսիայում հունվարի 22-ին անցկացվել է իշխող Սոցիալիստական կուսակցության փրայմերիզի առաջին փուլը։ Քվեարկության արդյունքներով՝ երկրորդ փուլ են դուրս եկել կրթության նախկին նախարար Բենուա Ամոնն ու նախկին վարչապետ Մանուել Վալսը։
Ընտրատեղամասերի 80 տոկոսից ստացված նախնական տվյալների համաձայն՝ Ամոնը ստանում է 36.2 տոկոս ձայն, Վալսը՝ 31.2 տոկոս ձայն։
Էկոնոմիկայի նախկին նախարար Առնո Մոնտեբուրը երրորդն է՝ 17.6 տոկոս ձայնով։
Հիշեցնենք, որ սոցիալիստների առաջնորդ և Ֆրանսիայի գործող նախագահ Ֆրանսուա Օլանդը հրաժարվել է մասնակցել նախընտրական արշավին։
Նախնական ընտրությունների երկրորդ փուլը կկայանա հունվարի 29-ին, որի արդյունքներով կորոշվի 2017 թվականի ընտրություններում Սոցիալիստական կուսակցությունից Ֆրանսիայի նախագահի թեկնածուն։
Սոցհարցումներ տվյալներով՝ պոտենցիալ սոցիալիստ-թեկնածուներից ոչ մեկը չունի նախագահական ընտրությունների վերջին ռաունդին հասնելու մեծ շանսեր։