Չինական Xinhua լրատվական գործակալության փոխանցմամբ՝ 2016 թվականի վերջի դրությամբ Պեկինում մշտապես ապրողների ու գրանցում ունեցողների թիվը կազմել է 21.7 միլիոն մարդ։
Այդ մասին հայտնել է Պեկինի վիճակագրական բյուրոն։ Դրա նախորդ տարում Պեկինի բնակչության թիվը կազմել էր 18.8 միլիոն մարդ։ Պեկինի ընդհանուր բնակչության 73.7 տոկոսը կազմում են 15-59 տարեկան աշխատունակ մարդիկ։
14 տարեկանից ցածր տարիք ունեցողների թիվը կազմել է 10.3 տոկոս, իսկ 60-ից բարձր տարիք ունեցողների թիվը՝ 16 տոկոս։ Պեկինի իշխանությունները մտադիր են մինչև 2020 թվականը քաղաքի բնակչությունը պահել 23 միլիոնի մակարդակի վրա։