Ռուսական RIA Novosti լրատվական գործակալության փոխանցմամբ՝ Աստանայում ավարտվել է Իրանի, Ռուսաստանի ու Թուրքիայի պատվիրակությունների եռակողմ հանդիպումը, որն անցկացվել է Սիրիայի վերաբերյալ բանակցությունների շեմին։
Հանդիպումը տևել է 5.5 ժամ։ Հանդիպումը մեկնարկել է նախ երկկողմ ձևաչափով՝ Իրանի ու Ռուսաստանի ներկայացուցիչների մասնակցությամբ, որը տևել է մոտ 15 րոպե։ Դրանից հետո կողմերին միացել են Թուրքիայի ներկայացուցիչները։
Խորհրդակցություններն անցել են դռնփակ պայմաններում։ Յուրաքանչյուր երկրից դրանց մասնակցել են երեքական մարդ, այդ թվում նաև Իրանի ու Թուրքիայի փոխարտգործնախարարներ Հուսեին Ջաբերի Անսարին ու Սեդադ Օնալը։
Հունվարի 23-24-ին Աստանայում բանակցելու են Սիրիայի կառավարության ու ընդդիմության ներկայացուցիչները։