2014 թ. անհետացած մալայզիական Boeing MH370 ինքնաթիռի ուղևորների հարազատները մտադիր են Ավստրալիայի և Մալայզիայի նախարարների հանդիպման ժամանակ, որոնք կոորդինացրել են որոնողական գործողությունը, խնդրել վերսկսել օդանավի որոնումները: Այս մասին հայտնում է Agence France-Presse-ը:
Ավելի վաղ Որոնումների կոորդինացիոն կենտրոնի կայքում (JACC) հրապարակվել է Ավստրալիայի, Մալայզիայի և Չինաստանի ներկայացուցիչների համատեղ կոմյունիկեն, որում ասվում է, որ 2014 թ. անհետացած մալայզիական Boeing MH370-ի որոնումները դադարեցվել են:
«Շատ ընտանիքների կողմից անհատական նամակները որոնումը շարունակելու կոչերով կհասցվեն անձամբ Մալայզիայի տրանսպորտի նախարարին Պերթ քաղաք (Ավստրալիա) նրա այցի ժամանակ»,- մեջբերում է Agence France-Presse-ը «370 ձայն» խմբի ներկայացուցիչների հայտարարությունը: Խումբը հայտարարել է, որ Մալայզիայի կառավարությունը խնդրում է այդ այցն օգտագործել որոնողական գործողությունը դադարեցնելու մասին որոշումը վերանայելու հնարավորության համար:
Boeing 777-200 օդանավը Կուալա-Լումպուրից Պեկին չվերթ էր իրականացնում 227 ուղևորով և անձնակազմի 12 անդամներով: Այն անհետացել է 2014թ. մարտի 8-ի երեկոյան: Ենթադրաբար, օդանավը կործանվել է Հնդկական օվկիանոսի հարավային հատվածում: