«Ելք» դաշինիքի անդրանիկ համաժողովին ներկա էր նաև «Համախմբում» կուսակցության վարչության անդամ, ազատամարտիկ Մանվել Եղիազարյանը: «Ես Սասուն Միքայելյանի և իմ բոլոր մարտական ընկերների հետ մտերիմ եմ, Ս. Միքայելյանն ինձ հրավիրել է, ես էլ ընդունել եմ իմ մարտական ընկերոջ հրավերը և հայտնվել եմ այստեղ»,- «Առաջին լրատվական»- ի հետ զրույցում պարզաբանեց ազատամարտիկը:
Նա նշեց, որ «Համախմբում»- ը բազմիցս նշել է, որ պատրաստ է համագործակցելու բոլոր ընդդիմադիր ուժերի հետ. «Մեր դաշինքի ձևավորումն ավարտված չէ, դեռ շարունակվում է, դեռևս նոր մարդիկ կարող են հավաքվել, պատկերն ամբողջական կլինի 10-15 օր հետո»:
Մանվել Եղիազարյանը չբացառեց, որ «Համախմբում»- ը կարող է համագործակցել նաև «Ծառուկյան» դաշիքնի հետ: Հարցին՝ Ծառուկյանի ընդդիմադիր լինելուն հավատո՞ւմ եք, Մ. Եղիազարյանը պատասխանեց. «Ես, բացի Աստծուց, ոչ մեկին չեմ հավատում, բայց ուզում եմ վստահել մարդկանց, որոնց միջոցով հնարավոր կլինի միասին այս վիճակից դուրս գալ»:
Մանրամասները՝ տեսանյութում: