Օրերս հայտարարվեց «Համախմբում» – «Երրորդ հանրապետություն» -Դեմոկրատական կուսակցություն դաշինքի մասին: «Առաջին լրատվական»- ի հետ զրույցում «Լուսավոր Հայաստան» կուսակցության առաջնորդ Էդմոն Մարուքյանը նշեց, որ այդ դաշինքը ընդդիմադիր չի համարում. «Այդ դաշինքում մարդիկ կան ներգրավված, որոնք որևէ պարագայում չեն կարող հանդես գալ իշխանության դեմ: Հավատ չեն ներշնչում: Չեմ կարդացել որևէ ծրագիր, մոտեցում, որը կտարբերվի իշխանության ծրագրից:
Ուղղակի տարբեր մարդիկ ինչ-որ գնացքներից դուրս են մնացել և հավաքվում են տարբեր տեղերում»:
«Մենք քաղաքացիների հետ բուռն աշխատանք ենք տանելու, որպեսզի կարողանան թացը չորից տարբերել, այլապես կունենանք ընտրություններ, որտեղ շունը տիրոջը չի ճանաչի», նշեց Մարուքյանը
Անդրադառնալով հարցին, արդյո՞ք Ծառուկյանի վերադարձը նաև իրենց ձայները փախցնելու համար է, պատգամավորը նշեց. «Մեր ընտրողները առանց ընտրակաշառքի, առանց ճնշումների, առանց որևէ ծառայություններ ստանալու, քաղաքացիական բարձր գիտակցություն ունեցող, Հայաստանը որպես արդիական պետություն տեսլական ունեցող մարդիկ են, չեմ կարծում, թե այդ ձայները որևէ այլ ուժ կարող է տանել»:
Մարուքյանը նաև հավաստիացրեց, որ քննադատություն չի լինելու, լինելու է գաղափարների, տեսլականների պայքար. «Պահեր կլինեն, որ մենք ստիպված կլինենք ասելու, թե ով ով է»:
Մանրամասները՝ տեսանյութում:
