Սիրիական կարգավորման մեջ որպես կարևոր խաղացող Իրանի դիրքորոշումը բարդացնում է Աստանայում Սիրիայի հարցով հանդիպմանը ԱՄՆ վարչակազմի հնարավոր մասնակցության հարցը։ Այն մասին BBC-ի հետ հարցազրույցում հայտարարել է ՌԴ նախագահ Վլադիմիր Պուտինի մամլո քարտուղար Դմիտրի Պեսկովը։
Սիրիական զինված ընդդիմության և իշխանությունների ներկայացուցիչների միասնական պատվիրակության մասնակցությամբ հանդիպումն Աստանայում ծրագրված է հունվարի 23-ին։ Հանդիպման են հրավիրված նաև Թրամփի վարչակազմի և ՄԱԿ-ի ներկայացուցիչները։
«Իրավիճակը շատ բարդ է, կա Իրանը՝ կարևոր դերակատար սիրիական հարցում, և իրանցիները չեն ողջունում ԱՄՆ-ին։ Դա շատ բարդ հարց է շատ զգույշ խաղի համար»,-նշել է Պեսկովը։
Սիրիայի հարցով նոր հարթակի՝ Աստանայի հանդիպման նախաձեռնող է հանդիսացել Ռուսաստանի նախագահ Վլադիմիր Պուտինը։
«Անհնար է Սիրիայում հակամարտության կառուցողական կարգավորման հասնել առանց ԱՄՆ-ի մասնակցության»,-հայտարարել է Պեսկովը։