«Մեր մեծագույն ձեռքբերումը կլինի այն, որ մենք հավատ ստեղծենք, հավատ, որ իղձերը հնարավոր է իրականություն դարձնել»,- այս մասին այսօր «Ելք» դաշինքի համաժողովում ասաց «Հանրապետություն» կուսակցության խորհրդի և «Ելք» դաշինքի անդամ Արտակ Զեյնալյանը՝ հավաստիացնելով, որ «Ելք» դաշինքը գալիս է ոչ թե իշխանություն ձևավորելու, այլ՝ հանրային ծառայության անցնելու:
« Մենք փոփոխություններ ենք ուզում, քանզի հանրությունը հոգնել ու հիասթափվել է, չի հավատում պետական մարմիններին, չի հավատում, որ կարող է ձևավորել իշխանություններ, բայց փոփոխությունները կարող են սկսվել ընտրություեններից, եթե ժողովուրդը զգա, որ ինքը գործողությունների վրա ազդելու հնարավորություն ունի», – ասաց նա:
Արտակ Զեյնալյանը նշեց, որ նախևառաջ իրենց գործողությունները միտված են լինելու պայքարել քողարկված հարկերի ու տուգանքների դեմ և ընդգծեց, որ իրենց առաջնային նպատակն է հանրությանը մասնակից դարձնել երկրի կառավարմանը: «Մեր երկրում չեն լինելու օտարներ, խռովածներ, մերժված մարդիկ»,- նշեց Ա. Զեյնալյանը,- Մենք միասին լրացնում ենք իրար, մեր ուժը միասնության մեջ է»:
Մանրամասները՝ տեսանյութում:
