«Քաղաքացիական պայմանագիր» կուսակցության առաջնորդ Սասուն Միքայելյանը՝ ելույթ ունենալով «Ելք» դաշինքի առաջին համաժողովին, անդրադարձավ երկրի առջև ծառացած խնդիրներին:
«Գնալով խարխլվում են ժողովրդի ձեռք բերած հաղթանակներն ու արդյունքները»,-ասաց Սասուն Միքայելյանը՝ հավելելով, որ տագնապալի են հանցավորության, արտագաղթի ժողովրդագրության տվյալները, գործազրկությունն ու անորոշությունը ազգային աղետ են դարձել:
«Երկրի արտաքին պարտքը հսկայական չափերի է հասել և, ցավոք, սա դեռ վերջը չէ: Անճանաչելիորեն փոխվում է հայ ժոովուրդը: Մարդու համար դարձել է անհասկանալի»,-ասաց Ս. Միքայելյանը՝ մտահոգություն հայտնելով, որ տեղի ունեցողը մի գործընթաց է, որը կարող է վերածվել համազգային աղետի:
«Մենք կորցնելու հայրենիք չունենք, կորցնելու ժամանակ՝ նույնպես, անհրաժեշտ կոնսենսուսի անհրաժետության դեպքում պատրաստ ենք համագործակցել բոլորի հետ: «Ելք-ը Հայաստանի ապագայի նկատմամբ պարտքի զգացումից ելնելով պատրաստ է միավորվելու արժանակից ուժերի հետ, անհատների, քաղաքական մտավոր, ներուժի հետ, գերակշիռ մասի աջակցության ակնկալիքով, նույն գաղափարների՝ նվիրատվությանգաղափարով, ընդունելով առկա մարտահրավերները մտնում է ընտրությունների պայքարի մեջ, համոզմունքով, որ ներկա իրավիճակից ելքեր կարող ենք գտնել»,- վստահեցրեց Ս. Միքայելյանը։
Մանրամասները՝ տեսանյութում: