ԱՄՆ կառավաությունը պահանջել է Հարավային Կորեայից ձերբակալել ՄԱԿ-ի նախկին գլխավոր քարտուղար Պան Գի Մունի եղբորը կոռուպցիայի գործով։ Այս մասին հայտնում է Reuters գործակալությունը՝ հղում անելով Մանհեթենի դաշնային դատախազի օգնականի հայտարարությանը։
Ինչպես հայտնել է դատախազության ներկայացուցիչը՝ ԱՄՆ-ը դիմել է Հարավային Կորեային՝ հարավկորեական շինարարական Keangnam Enterprises ընկերության նախկին խորհրդականներից մեկին՝ Պան Գի Սանին ձերբակալելու պահանջով։ Նա հանդիսանում է Պան Գի Մունի եղբայրը։ ԱՄՆ-ը ծրագրում է նաև պահանջել նրա արտահանձնում։
Անցած շաբաթ գործակալությունը հայտնել էր, որ ԱՄՆ իշխանությունները մեղադրանք են առաջադրել Պան Գի Մունի եղբոր ու եղբորորդու դեմ։ Նրանք մեղադրվում են պաշտոնատար անձանց կաշառելու նպատակով դավադրության մեջ։
Գործը կապված է 800 մլն դոլարով Վիետնամում շենքերի համալիրի վաճառքի փորձի հետ։ Նշվում է, որ Պան Գի Մունի եղբորբորդին Նյու Յորքում աշխատում է որպես անարժ գույքի վաճառքի գործակալ։