ԱՄՆ նորընտիր նախագահ Դոնալդ Թրամփը և նրա կինը՝ Մելանյան, Սպիտակ տուն են ժամանել՝ թեյելու Բարաք Օբամայի և նրա տիկնոջ՝ Միշել Օբամայի հետ։ Այս մասին փոխանցում է The Washington Post-ը։
Հանդիպումն ընթանում է նստավայրի Երկնագույն կաբինետում՝ դռնփակ թեյախմության ձևաչափով։ Այդ արարողությունն ԱՄՆ-ում հանդիսանում է ավանդական՝ իշխանության փոխանցման ժամանակ։
Այնուհետև Թրամփն ու Օբաման իրենց կանանց և փոխնախագահների հետ կուղևորվեն Կապիտոլիում, որտեղ տեղի կունենա երդմնակալության արարողությունը։
Նոյեմբերի 8-ին ընտրություններում տարած հաղթանակից հետո Թրամփն ընդամենը մեկ անգամ է եղել Սպիտակ տանը։ Նոյեմբերի 10-ին նրան ընդունել էր Օբաման, ինչը համապատասխանում է ամերիկյան քաղաքական ավանդույթներին։
Օբաման կնոջ հետ դիմավորել է Դոնալդ և Մելանյա Թրամփերին նստավայրի մոտ։
