ԱՄՆ մայրաքաղաք Վաշինգտոնում մեկնարկել է Դոնալդ Թրամփի երդմնակալության արարողությունը։ Նախագահը երդում կտա Ներկայացուցիչների տան և Սենատի համալիրի՝ Կապիտոլիումի աստիճաններին, որտեղ արդեն պատրաստ է հանդիսավոր արարողության հարթակը։
Հանրապետական Դոնալդ Թրամփը նախագահական ընտրություններում Հիլարի Քլինթոնի նկատմամբ հաղթանակ է տարել 2016թ նոյեմբերի 8-ին, բայց պաշտոնը կստանձնի այսօր՝ հունվարի 20-ին։
Երդումն ընդունելու է ԱՄՆ Գերագույն դատարանի նախագահ Ջոն Ռոբերթսը, որից կարճ ժամանակ անց տեղի կունենա նաև փոխնախագահ Մայք Փենսի երդմնակալությունը: Այնուհետև նախագահի պաշտոնը ստանձնած Դոնալդ Թրամփը հայրենակիցներին կդիմի իր առաջին ուղերձով:
Նշենք, որ ավելի քան 60 դեմոկրատական գործիչներ, մի շարք հայտնի աստղեր որոշում են կայացրել բոյկոտել Թրամփի պաշտոնամուտի արարողությունը։
