Սիրիայի նախագահի վաղաժամկետ ընտրություններ կամ դրանց անցկացման ժամկետներ չեն քննարկվելու ընդդիմության հետ առաջիկա բանակցություններում։ Ինչպես հաղորդում է RIA Novosti-ն, այս մասին հայտարարել է Սիրիայի նախագահ Բաշար Ասադը ճապոնական TBS հեռուստաալիքին տված հարցազրույցում:
«Նախագահի պաշտոնաթողությունը, ինչպես և նրան ընտրելը ազգային հարց Է և վերաբերում Է յուրաքանչյուր սիրիացու… ուստի այդ հարցը չի քննարկվում ընդդիմության կամ որեւԷ կողմնակի պետության հետ… Դա Սիրիայի հարցն Է, որը կապված Է Սահմանադրության հետ: Ընտրությունների ժամկետը կամ դրանց վաղաժամկետ անցկացումն այժմ բանակցությունների սեղանին չեն»,-ասել Է նախագահը:
Ասադը նշել Է, որ ինքը՝ որպես պետության ղեկավար, չի փախել, երբ Սիրիան սպառնալիքների Էր բախվում: Նրա խոսքով՝ ճգնաժամի ժամանակ պետության ղեկավարը պարտավոր Է իր ձեռքը վերցնել գործերն ու լուծել ճգնաժամը եւ միայն դրանից հետո կարող Է ասել՝ ցանկանում Է ինքն արդյոք հեռանալ կամ մնալ, և այդժամ սիրիական ժողովուրդը կկարողանա ասել իր «կողմ» կամ «դեմ» լինելու մասին։