Իտալիայի Աբրուցո նահանգի լեռնային տեղանքներից մեկում գտնվող Rigopiano հյուրանոցում, որը հունվարի 18-ին թաղվել էր ուժեղ ձնահյուսքի տակ, հայտնաբերվել է 6 ողջ մարդ:
Ինչպես հաղորդում է lenta.ru-ն, փրկարարներն աշխատել են ամբողջ գիշեր՝ փորձելով գտնել հյուրանոցի ներսում եղածներին:
Rainews24 հեռուստաալիքի տվյալներով՝ ողջ մնացածները մինչև հիմա արգելափակված են շենքում։ Իտալական ԶԼՄ-ները տեղի ունեցածն իսկական հրաշք են որակել։
Ավելի վաղ հաղորդել էինք այն մասին, որ ձնահյուսքի հետևանքով կան զոհեր։ ԶԼՄ-ների տվյալներով՝ զոհվել է մինչև 30 մարդ։