Գագիկ Ծառուկյանի առաջարկով «Ծառուկյան» դաշինքի շտաբի պետի աշխատանքները ստանձնելու է ՀՀ Վերահսկիչ պալատի նախագահ Իշխան Զաքարյանը: Նրա կինը Երևանի քաղաքապետարանի աշխատակազմի հանրակրթության վարչության պետ, ՀՀԿ-ական Գայանե Սողոմոնյանն է: «Առաջին լրատվական»-ի հարցին՝ ո՞ր քաղաքական ուժին կաջակցի առաջիկա խորհրդարանական ընտրություններին, պատասխանեց, որ այս պահին զերծ է մնում պատասխանից, քանի որ զբաղված է իր աշխատանքով:
Ի դեպ, ՀՀԿ խմբակցության ղեկավար Վահրամ Բաղդասարյանը «Առաջին լրատվական»-ի հետ զրույցում անդրադառնալով հարցին՝ Իշխան Զաքարյանը ղեկավարելու է «Ծառուկյան» դաշինքի շտաբը՝ միաժամանակ լինելով ՎՊ նախագահ, ասաց. «Բնականաբար, ինձ թվում է կլինի այնքան պարկեշտություն, որ նման որոշում կկայացնի՝ երկու դիմումները միաժամանակ կներկայացնի: Չես կարող միաժամանակ իշխանության մեջ լինել»: