Գերմանիայում սկսել են արտադրել ներքնազգեստ՝ կոդային փականով և ազդանշանով, հաղորդում է Daily Mirror պարբերականը։
Յուրահատուկ ներքնազգեստը ամուր գործվածքից է, որը չի պատռվում։ Ներքնազգեստը հանելու համար անհրաժեշտ է կոդ հավաքել։ Եթե ներկառուցված ցուցիչները ֆիքսեն չարտոնված հասանելիություն, ապա կմիանա 130 դեցիբիլ բարձրությամբ ազդանշան։
Արտադրողի կարծիքով նման ներքնազգեստը կօգնի կանանց պաշտպանվել սեռական բռնությունից։ Ընկերությունում հիշեցրել են 2015 թվականի ամանորյա գիշերվա իրադարձությունները, երբ Քյոլն քաղաքի հարյուրավոր կանայք ենթարկվել են սեռական ոտնձգության Հյուսիսային Աֆրիկայից ներգաղթածների կողմից: