Թուրքիան հովանավորում է ԴԱԻՇ-ին , իսկ նախագահ Ռեջեփ Թայիփ Էրդողանը ներգրավված է ահաբեկչական խմբավորմանը աջակցելու և Սիրիայից նավթի մաքսազերծ արտահանման գործում։ Այս մասին TBS ճապոնական հեռուստաալիքին տված հարցազրույցի ժամանակ հայտարարել է Սիրիայի նախագահ Բաշար Ալ-Ասադը։
«ԴԱԻՇ-ը ստեղծվել է Իրաքում 2006թ․ ԱՄՆ-ի վերահսկողությամբ և տեղակայված է եղել բացառապես Իրաքում։ Սիրիական հակամարտության մեկնարկից հետո Թուրքիան հովանավորել է այդ կազմակերպությանը, քանի որ վերջինս օգտագործել է սիրիական նավթային հանքավայրերը՝ հումքը արտահանելու, շահույթ ստանալու համար։ Թուրքիան, այդ թվում Էրդողանը, անմիջականորեն ներգրավված է եղել նավթի մաքսանենգության մեջ»,-ասել է Ալ-Ասադը։
Սիրիայի նախագահն այս կապակցությամբ վստահություն է հայտնել, որ պետք չէ ակնկալել ԴԱԻՇ-ի դեմ իսկական պայքար Թուրքիայի կողմից։ Նրա խոսքով՝ Էրդողանը փորձում է մանևրումներ անել՝ ցույց տալով, որ իբրև թե պայքարում է ահաբեկիչների դեմ, բայց իրականում ամեն օր աջակցում է ահաբեկչական խմբավորումներին։