Այսօր «Ժառանգություն» կուսակցությունը վարչություն նիստ էր հրավիրել: Սպասվում էր, որ այսօր տեղի ունեցած նիստի ժամանակ պետք է հստակեցվեր, թե կուսակցությունն ինչ ձևաչափով է մասնակցելու առաջիկա խորհրդարանական ընտրություններին: Վարչության անդամները չեն կարողացել ընդհանուր հայտարարի գալ:
Նիստից հետո կուսակցության անդամ Զարուհի Փոստանջյանը լրագրողների հետ զրույցում նշեց. «Ընդհանուր քննարկվել է, թե ինչպիսին է քաղաքական վիճակը, ինչ կարող ենք մենք առաջարկել, ինչ կարող ենք ակնկալել: Տարբեր են կարծիքները: Մենք չենք դիտարկում սա որպես ընտրություններ, մտածում ենք, թե ինչ ձևով պետք է մասնակցենք քաղաքական պայքարին»:
«Առաջին լրատվական»- ի հարցին՝ Դուք պատրա՞ստ եք քաղաքական պայքարին մասնկացել դաշինքով, Փոստանջյանը պատասխանեց. «Անձամբ ես պատրաստ չեմ դաշինքով մասնակցելուն»:
Փոստանջյանը չբացառեց, որ ընդհանուր համաձայնության չգալու դեպքում «Ժառանգությունն» առհասարակ չմասնակցի ընտրություններին:
Սա կարո՞ղ է պատճառ դառնալ Ձեր՝ կուսակցությունից դուրս գալուն, այս հարցին ի պատասխան Զ. Փոստանջյանը նշեց. «Ընդհանրապես ովքեր ինձ խանգարում են, ես եմ իրենց հեռացնում»:
