Իրանում բոդիբիլդինգով զբաղվող կնոջը ձերբակալել են սոցցանցերում մարզումներից «հակաիսլամական» լուսանկարներ հրապարակելու համար, հաղորդում է The Daily Mail-ը։
Մարզուհու անունը չի նշվում։ Ենթադրաբար, նա Շիրին Նոբոհարին է, որը ավելի քան 68 հազար հետևորդ ունի Instagram-ում։ Կինը գտնվում է բանտում, քանի որ չի կարողացել դուրս գալ գրավի դիմաց։ Նա չի կարողացել վճարել երկու միլիոն ռիալ (շուրջ 60 ԱՄՆ դոլար)։
Նոբահարին մասնակցել է միջազգային մի շարք մրցումների։ 2016թ․, երբ նա հայրենիք է վերադարձել, իշխանությունները զգուշացրել են նրան չհրապարակել «անպարկեշտ» սելֆիներ։