«Լրագրողներ առանց սահմանների» կազմակերպությունը պոլսահայ լրագրող Հրանտ Դինքի մահվան 10-րդ տարելիցին հորդորել է ի վերջո բացահայտել հանցագործությունը: Ինչպես հաղորդում է գերմանական Deutsch Welle -ն, այս մասին Բեռլինում լրագրողների հետ հանդիպման ժամանակ հայտարարել է «Լրագրողներ առանց սահմանների» կազմակերպության Գերմանիայի ներկայացուցիչ Քրիստիան Միհրը։ Նրա խոսքով՝ ի սկզբանե եղել են նշաններ առ այն, որ Դինքի սպանությունը ազգայնամոլների փոքր խմբի ձեռքի գործը չէ:
Նա ընդգծել է, որ կան ապացույցներ հանցագործությունում պաշտոնյաների ներգրավվածության վերաբերյալ` նշելով, որ սպանության հետևում կանգնած անձինք պետք է դատապարտվեն: Միհրը ցանկություն է հայտնել, որ դատական գործը չշահագործվի քաղաքական նպատակներով:
