Newsyou.info-ի փոխանցմամբ՝ Բայկալ լիճը Երկրի ամենախորը և մաքուր լիճն է։ Երբ լուսանկարիչ Կրիստինա Մակեևան Մոսկվայից ճամփորդության էր մեկնում դեպի Բայկալ, ապա անգամ չէր էլ կասկածում, թե որքան հիասքանչ ու կախարդական կարող է լինել այն։
Աղջիկը երեք օր շարունակ լուսանկարել է Բայկալ լճի ձմեռային տեսարանները և համացանցում կիսվել է իր լուսանկարներով։ Բայկալ լճի երկարությունը կազմում է մոտ 600 կիլոմետր։
Բայկալում սառույցի հաստությունը հասնում է 1.5 -2 մետրի և կարող է դիմանալ մինչև 15 տոննա տրանսպորտային միջոցների շարժին։ Լճի տարբեր մասերում սառցաշերտի հաստությունը տարբեր է։
Դրա պատճառն այն է, որ ջուրը սառչում է շերտերով։ Լճի առավելագույն խորությունը կազմում է 1642 մետր։ Բայկալից բացի, մոլորակի վրա կան ևս երկու լճեր, որոնց խորությունը գերազանցում է 1000 մետրը։
Խոսքն Աֆրիկայում գտնվող Տանգանիկա լճի (խորությունը՝ 1470 մետր) և Կապից ծովի (խորությունը՝ 1025 մետր) մասին է։