«Իր արմատներով այս հողից սերված գործիչը, որը վայելում է ժողովրդի սերը, Ծառուկյանն է: Ժողովուրդը վստահություն և համակրանք է տածում նրա նկատմամբ: Գագիկ Ծառուկյանն ընկալվում է որպես բարի մարդ, որպես Ձմեռ պապի»,- անդրադառնալով հայաստանյան ներքին քաղաքական իրավիճակին, Գ. Ծառուկյանի քաղաքականություն վերադառնալու մասին հայտարարությանը՝ «Առաջին լրատվական»- ի հետ զրույցում այս մասին ասաց ՀՔՄ նախագահ Հմայակ Հովհաննիսյանը՝ հավելելով, որ Ծառուկյանն ունի բարի մարդու համբավ, դրական աուրա:
«Մեր ժողովուրդը ղեկավար չի փնտրում, Ձմեռ պապի է ուզում: Ինչ ղեկավար եկել է, ժողովուրդը նրան չի կարողացել սիրել: Ղեկավարներից մեկն ասել է՝ մեկդ մյուսից պարտք վերցրեք, դրանով ապրեք, ի՞նչ է պատահել, ցուրտ ու մութ է, յոլա գնացեք, մի բան կերեք: Մյուսները նման հայտրարություններ են արել: Մեր ժողովուրդը պատեռնալիստական հոգեբանություն ունեցող ժողովուրդ է, այսինքն՝ չի ցանկանում, որ իր վրա դնեն պատասխանատվությունը իշխանություն ձևավորելու համար, դրան պատրաստ չէ, այլ ցանկանում է ունենալ հովանավոր, բարեգործ իր գլխին, բարի մարդ, ում կսիրի և կնվիրվի»,- նշեց քաղաքագետը:
Հմայակ Հովհաննիսյանի խոսքով՝ պետք է Գագիկ Ծառուկյանը լինի ղեկավար. «Որպես ղեկավար, որը մտածում է ընտանիքների, երեխաների, ծերերի, չքավորների մասին և որին կարելի է նամակ գրել, ինչպես նամակ են գրում Ձմեռ պապին և ասում՝ ինձ այս է պետք, այն է պետք: Սա մեր ժողովրդի հոգեբանությունն է:
Մանրամասները՝ տեսանյութում: