Ռուսական RIA Novosti լրատվական գործակալության փոխանցմամբ՝ Մոլդովայի նախագահ Իգոր Դոդոնը հայտարարել է, որ ռուս խաղաղապահները չճանաչված Մերձդնեստրում մնում են կայունության երաշխավոր.
«Պետք է հասկանալ, որ խաղաղապահները Դնեստրում հայտնվել են ոչ թե պատահաբար, այլ՝ հակամարտության հետևանքով։ Նրանք եղել և մնում են որոշակի կայունության երաշխավոր»։
Դոդոնը պարզաբանել է, որ նրանք այնտեղ են նրա համար, որպեսզի ապահովեն Դնեստրի ափերի միջև վստահությունը։ Նա ընդգծել է, որ խաղաղապահների ներկայության հետ կապված բոլոր դրվագները անհրաժեշտ է քննարկել բանակցային գործընթացի շրջանակներում.
«Ես կարծում եմ, որ խաղաղապահները իրականացրել և իրականացնում են իրենց առաքելությունը»։ Ավելի վաղ Ռուսաստանի նախագահ Վլադիմիր Պուտինը ողջունել էր Դոդոնի այցը Մերձդնեստր։