Ապրիլի 2-ին նախատեսվում են համապետական խորհրդարանական ընտրություններ. նոր Ընտրական օրենսգրքով նախատեսված են նորամուծություններ. արդյո՞ք դրանք երաշխիք են արդար ընտրություններ անցկացնելու համար: Թեմայի շուրջ «Առաջին լրատվական»- ի հետ զրույցում անդրադառնալով այս հարցին՝ հրապարակախոս Զարուհի Հովհաննիսյանը նշեց, որ այս անգամ էլ ավելի է խճճվել ընտրական գործընթացը և՛ հանրությանն իրազեկելու, և՛ վերահսկողություն իրականացնելու տեսակետից, միևնույն ժամանակ նախընտրական իրավիճակը գնահատելու տեսանկյունից:
«Բավարար է թերթել ԵԱՀԿ ԺՄԻԳ-ի վերջին զեկույցը, որը վերաբերում է այս պրոցեսներին, և կարելի է հասկանալ, որ իրապես մտահոգությունները շատ խորն են, որ այս անգամ ընտրական պրոցեսները բարդացված են»,- նշեց հրապարակախոսը:
Զ. Հովհաննիսյանի դիտարկմամբ՝ թաղային հեղինակությունները կներառվեն ռեյտինգային քվեարկությանը, և կան մեծ ռիսկեր՝ և՛ ձայների գնման, և՛ ընտրակաշառքի բաժանման, և՛ վարչական ռեսուրսի չարաշահման:
Մանրամասները՝ տեսանյութում:
