«Դատարանը ոչ թե վճիռ կայացրեց, այլ պատվեր կատարեց: Դատարանը հաշվեհարդար տեսավ Գևորգ Սաֆարյանի նկատմամբ, ինչու չէ, նաև իմ նկատմամբ»,- այս մասին այսօր լրագրողների հետ զրույցում ասաց փաստաբան Տիգրան Հայրապետյանը՝ անդրադառնալով «Հիմնադիր խորհրդարանի» անդամ, քաղաքացիական ակտիվիստ, ամբաստանյալ Գևորգ Սաֆարյանի գործով դատավճռին:
Քիչ առաջ Կենտրոն և Նորք-Մարաշ համայնքների ընդհանուր իրավասության դատարանը դատավոր Մնացական Մարտիրոսյանի նախագահությամբ հրապարակեց «Հիմնադիր խորհրդարանի» անդամ, քաղաքացիական ակտիվիստ, ամբաստանյալ Գևորգ Սաֆարյանի գործով դատավճիռը: Ակտիվստը դատապարտվեց 2 տարվա ազատազրկման:
Հիշեցնենք, որ 2015-ի դեկտեմբերի 31-ին շարժման անդամները այլընտրանքային տոնածառ էին փորձել տեղադրել Ազատության հրապարակում, ոստիկանների և քաղաքացիների միջև միջադեպ էր եղել: Գեւորգ Սաֆարյանը կալանավորվել էր՝ ոստիկան Գեղամ Խաչատրյանին հարվածելու և վնասվածք պատճառելու մեղադրանքով:
Մանրամասները՝ տեսանյութում:
