Ադրբեջանը հնարավոր է դուրս բերել աղետալի վիճակից, եթե իշխանություն ձևավորի ժողովուրդը։ Ինչպես հաղորդում է contact.az-ը, այս մասին հայտարարել է «Մուսավաթ» ընդդիմադիր կուսակցությունը։
«Մենք հավատացած ենք, որ երկիրն աղետալի իրավիճակից դուրս բերելու ուղիներ կան, Ադրբեջանն այս վիճակին է հասցրել Իլհամ Ալիևի իշխանությունը և նրա թիմի բոլշևիկյան մտածելակերպ ունեցող մարդիկ։ Իլհամ Ալիևը մտածում է, թե իրավիճակից ինչպես դուրս գա: Սակայն նա ոչ թե մտածում է, թե իրավիճակից ինչպես պատվով դուրս գա, այլ ինքն ինչպես դուրս գա ողջ ու առողջ: Սակայն նա չի կարող ուղիներ գտնել»,- հայտարարել է «Մուսավաթի» ղեկավարի տեղակալ, Ազգային ռազմավարական միտք կենտրոնի ղեկավար Իսա Ղամբարը:
Իշխանափոխության ահրաժեշտության մասին հայտարարել է «Մուսավաթի» փոխնախագահ Էլման Ֆաթահը: «Ճգնաժամի անցած երկու տարիները ցույց են տվել, որ կառավարությունը մտադիր չէ, նաև ընդունակ չէ այն հաղթահարելու իրատեսական քայլեր ընդունել»,- ասել է նա: