Դամասկոս նահանգի մի քանի քաղաքներից դուրս են բերվել 1268 գրոհայիններ, որոնց մեծ մասը վայր են դրել զենքն ու վերադարձել խաղաղ կյանքի, մյուսներին տրամադրվել է ընտանիքներով Իդլիբ նահանգ անվտանգ տեղափոխվելու հնարավորություն՝ հաղորդվում է Սիրիայում հակառակորդ կողմերի հաշտեցման ռուսական կենտրոնի տեղեկագրում։ Այս մասին փոխանցում է RIA Novosti-ն։
Նշվում է, որ Վադի-Բարադա տեղանքի 9 բնակավայրերից 2-ը՝ Հուսայնիան և Բարգալիան, միացել են հրադադարի ռեժիմին, իսկ մյուս 7-ը՝ ռեժիմին միանալու ցանկություն հայտնել։
Հաշտեցման կենտրոնը նաև հայտնում է, որ սիրիական իշխանությունների հետ համատեղ շարունակվում են Սիրիայի մայրաքաղաք Դամասկոսի ջրամատակարարումը վերականգնելու միջոցառումները։