Արագածոտնի մարզում գտնվող Թուխմանուկի հանքավայրը շահագործող «Մեգո գոլդ» ընկերությունը դեկտեմբեր ամսին դատարանի որոշմամբ սնանկ է ճանաչվել:
Հայաստանի կանաչների միության նախագահ, բնապահպան Հակոբ Սանասարյանն, ով բազմիցս անդրադարձել է այս խնդրին՝ հիմնավորելով, որ պետք է դադարեցնել այս հանքի շահագործումը, «Առաջին լրատվական»- ի հետ զրույցում նշեց, որ հանքավայրի շահագործման հետևանքով բազմաթիվ խնդիրներ են առաջ եկել:
Նրա խոսքով՝ Թուխմանուկի ոսկու հանքավայրի ընդհանուր հանքային դաշտը ավելի քան 4000 հա է զբաղեցնում և այն գտնվում է Հայաստանի ջրաբանական պետական արգելավայրի տարածքում: Բնապահպանի գնահատմամբ՝ այդ հանքավայրի շահագործումը հանցագործ ծրագիր էր. «Առանց լուրջ ուսումնասիրությունների կառավարությունը թույլատրել էր այդ ծրագրի իրականացումը, որի հետևանքով Մելիքգյուղի բնակիչները կորցրին իրենց ապրուստի զգալի մասը, քանի որ պտղատու ծառերը և կարտոֆիլը այնտեղ չորանում էր»:
Բնապահպանի կարծիքով՝ կասկածելի է հանքավայրի շահագործման դադարեցումը. «Կա՛մ կաշառքի սահմանն են բարձրացնելու, կա՛մ եթե չկարողանան տալ կաշառքը, կկասեցվի այդ ծրագիրը»:
Մանրամասները՝ տեսանյութում: