Քաղաքացի դիտորդ նախաձեռնությունը նախատեսել է գալիք խորհրդարանական ընտրություններում 3500-4000 դիտորդներ ունենալ տարբեր ընտրատեղամասերում:
«Մեր փորձը ցույց է տալիս, որ ընտրական գործընթացի վերահսկողությունը մեծ ազդեցություն է ունենում, դիտորդությունը մեծ ազդեցություն ունի, մենք որոշել ենք համապետական ընտրություններին հնարավորինս շատ դիտորդներ ունենալ»- «Առաջին լրատվական»- ի հետ զրույցում ասաց «Քաղաքացի դիտորդ» նախաձեռնության անդամ Արմեն Գրիգորյանը՝ հավելելով , որ մինչ այդ կազմակերպելու են թրեյնինգներ՝ դիտորդների համար, ներկայացնելու են նոր ԸՕ-ն:
«Ընտրակեղծիքների մեծ մասը տեղի է ունենում ընտրատեղամասերից դուրս, այդ տեսանկյունից վերահսկողությունը դժվար է լինելու,- նշեց Արմեն Գրիգորյանը,- ընտրատեղամասերից դուրս ավելի շատ քաղաքացիների պարտականությունն է գիտակցաբար չմասնակցել ընտրակեղծարարությանը, իսկ ընտրատեղամասերում մենք փորձելու ենք դա կանխել»:
Ա. Գրիգորյանի դիտարկմամբ՝ ՀՀԿ-ն այս ընտրություններում էլ կօգտագործի բոլոր լծակները: Նրա խոսքով՝ ընտրակեղծարարության բորոլ գործիքները գրեթե նույնն են մնալու:
Մանրամասները՝ տեսանյութում: