Ռուսական RIA Novosti լրատվական գործակալության փոխանցմամբ՝ Բելառուսի գլխավոր դատախազությունը ներկայումս ուսումնասիրում է իսրայելցի բլոգեր Ալեքսանդր Լապշինի արտահանձնման վերաբերյալ Ադրբեջանի դիմումը։
Լապշինն ավելի վաղ ձերբակալվել է Մինսկում, սակայն նրա վերաբերյալ դեռ որոշում կայացված չէ։ Այդ մասին հայտնել է Բելառուսի գլխավոր դատախազության ներկայացուցիչը։
Դեկտեմբերի կեսին Լապշինը գրել էր, որ իրեն Մինսկում ձերբակալել են Ադրբեջանի պահանջով, որտեղ իր անունն ընդգրկել են «սև ցուցակում»՝ ԼՂՀ այցելելու հետ կապված։
Եվ այնուամենայնիվ 2015 թվականի հունիսին Լապշինն ուկրաինական անձնագրով Ադրբեջան մուտք է գործել Վրաստանով և գտնվել է Բաքվում՝ ներկայանալով որպես Ալեքսանդր։
Դրանից հետո Ադրբեջանը միջազգային հետախուզում է հայտարարել բլոգերի նկատմամբ․ նրան մեղադրելով «պետական սահմանի մասին» օրենքը «խախտելու» և երկրի միգրացիոն օրենսդրությունը «խախտելու» համար։