Ըստ պաշտոնական վիճակագրական տվյալների՝ 2016-ին Հայաստանում ավելացել է հանցագործությունների թիվը: «Առաջին լրատվական»- ի հետ թեմայի շուրջ զրույցում փաստաբան Նորայր Նորիկյանը նշեց, որ ԱՎԾ-ն տարեվերջին ամփոփւմ է կարևոր երևույթների վերաբերյալ վիճակագրական տվյալները և հրապարակում, ԱՎԾ-ն՝ ՀՀ ոստիկանության տրամադրած տեղեկատվության հիման վրա ամփոփվել է 2016թ. հունվարից մինչև նոյեմբեր ընկած ժամանակահատվածի տվյալները, որոնց համաձայն՝ շուրջ 1500-ով ավելացել է հանցագործությունների թիվը:
«2015թ. ՀՀ-ում արձանագրվել է 14 500, իսկ 2016-ին՝ շուրջ 17 000 հանցագործության դեպք: Սա վկայում է հասարակությունում տիրող տրամադրությունների, նաև քրեածին հակումների մասին, որոնց արդյունքում տեղի են ունենում հանցագործություններ»,- նշեց Ն. Նորիկյանը:
Փաստաբանը նշեց, որ, թերևս, ոչ բոլոր հանցագործություններն են արձանագրվում, հանցագործությունների թիվը հնարավոր է ավելին է: Նրա հավաստմամբ՝ սեփականության դեմ ուղղված հանցագործությունների շեշտակի աճ է գրանցվել: Փաստաբանի դիտարկմամբ՝ երկրում սոցիալ-տնտեսական ոչ բավարար վիճակն է հանդիսանում այդ հանցագործությունների աճի հիմնական պատճառներից մեկը: Փաստաբանը հավելեց, որ անձի դեմ ուղղված հանցագործությունների, սպանությունների թիվը ևս աճել է:
Անդրադառնալով ապօրինի զենք կրելու, շրջանառելու վերաբերյալ իրավական նորմերին, փաստաբանը նշեց, որ ովքեր ապօրինի կերպով զենք են կրում և շրջանառում, ենթարկվում են պատասխանատվության. «Բայց գործում է նաև Զենքի մասին օրենքը, որ յուրաքանչյուրը, ով չի տառապում այնպիսի հիվանդությամբ, որի դեպքում արգելվում է զենք կրել, կարող է զենք կրելու իրավունք ձեռք բերել: Կարծում եմ ապագայում յուրաքանչյուրը ինքնապաշտպանության համար պետք է ստանա զենք կրելու իրավունք»,-ընդգծեց փաստաբանը:
Մանրամասները՝ տեսանյութում:
