Ավստրիայի ԱԳ նախարար, ԵԱՀԿ գործող նախագահ Սեբաստիան Կուրցը Մոսկվա կատարած այցի ժամանակ կքննարկի Լեռնային Ղարաբաղի հակամարտության կարգավորման հարցը։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Նրա խոսքով՝ Կուրցի այցը Մոսկվա կկայանա հունվարի 17-18-ին։ Այցի շրջանակներում նա կհանդիպի ՌԴ ԱԳ նախարար Սերգեյ Լավրովի հետ։
«Այցի ընթացքում նախատեսվում է քննարկել երկկողմանի օրակարգի հարցեր, ինչպես նա ԵԱՀԿ հարթակում համագործակցության հարցեր, որոնք վերաբերվում են մարտահրավերների, այդ թվում Լեռնային Ղարաբաղի հակամարտությանը»,-հայտարարել է Զախարովան։