2017-ին Հայաստանում տնտեսական աճի տեմպերը կշարունակվեն. այս մասին այսօր կառավարությունում լրագրողների հետ զրույցում ասաց ներդրումների և տնտեսական զարգացման նախարար Սուրեն Կարայանը:
«2017-ին մեր կանխատեսումները հետևյալն են, որ արտահանման մասով այն աճի տեմպերը, որոնք գրանցվել էին 2016 թվականին, առնվազն կպահպանվեն, և ավելի կգերազանցենք այդ տեմպերը: Ներդրումների մասով ևս աճի տեմպեր կունենանք»,-ասաց նախարարը:
Սուրեն Կարայանի խոսքով՝ 2016-ի վերջին եռամսյակում բավականաչափ աշխատանքներ են իրականացվել և ակնկալում են, որ այս տարի և՛ տնտեսական աճը, և՛ բոլոր ցուցանիշները, այդ թվում նաև արդյունաբերությունն ու արտահանումը լուրջ աճ կունենան:
Հարցին՝ վարչապետը հայտարարել էր, որ տնտեսության վիճակը շատ ծանր է, ի՞նչ է փոխվել վերջին ամիսների ընթացքում, Սուրեն Կարայանը պատասխանեց. «Վերանայեցինք տնտեսության զարգացման մոդելը։ Ելնելով փոքր տնտեսության առանձնահատկություններից՝ մենք շեշտը դնում ենք, որ տնտեսությունը զարգանա ի հաշիվ արտահանման»:
Մանրամասները՝ տեսանյութում: