Եվրախորհրդի խորհրդարանական վեհաժողովի` Ադրբեջանի հարցով համազեկուցողներ Սթեֆան Շենակը և Ցեզար Ֆլորին Պրեդան ժամանել են Ադրբեջան: Այս մասին տեղեկացնում է ադրբեջանական ԱՊԱ գործակալությունը:
Այցի շրջանակում նրանք կհանդիպեն Ադրբեջանի նախագահի, մեջլիսի նախագահի, արդարադատության և ներքին գործերի նախարարների և բարձրաստիճան այլ անձանց հետ: Բացի այդ, ծրագրվում են նաև համազեկուցողների հանդիպումները քաղաքացիական հասարակության անդամների հետ:
ԵԽԽՎ համազեկուցողների այցը կեզրափակվի հունվարի 14-ին:
