Բլոգեր Ալեքսանդր Լապշինը կալանավորվել է դեկտեմբերի 15-ին՝ Ադրբեջանի հարցումով: Պատճառը Լապշինի այցելություններն են Լեռնային Ղարաբաղի Հանրապետություն 2011-ին և 2012-ին: Ադրբեջանի իշխանությունները քրեական գործ են հարուցել Լապշինի նկատմամբ Ադրբեջանի քրեական օրենսգրքի երկու հոդվածներով՝ «Ադրբեջանի պետական սահմանի անօրինական հատում» և «պետության դեմ ուղղված հրապարակային կոչեր»: Թեմայի շուրջ «Առաջին լրատվական»- ը զրուցել է ԱԺ «Ժառանգություն» խմբակցության պատգամավոր Թևան Պողոսյանի հետ:
–Պարոն Պողոսյան, Մինսկում Բելառուսի իշխանությունների կողմից կալանավորված բլոգեր Ալեքսանդր Լապշինին կարող են հանձնել Բաքվի իշխանություններին, որտեղ նրան կարող են դատել: Հայաստանն այս մասով ի՞նչ կարող է անել, կարո՞ղ է արդյոք կանխել արատահանձնումը:
-Չգիտեմ հնարավոր կլինի կանխել արտահանձնումը թե ոչ, բայց պետք է անպայման գործողություններ իրականացվեն ոչ միայն հանրության և ակտիվ բլոգերների կողմից, այլ պետական մակարդակով: Հայաստանը, պետք է որ դասեր քաղած լինի Սաֆարովի գործից, և ճիշտ կլինի, որ կանխարգելիչ գործողություններ իրականացնի՝ սկսած դեսպանին արտգործնախարարություն կանչելուց, և դա պետք է անել թափանցիկ: Միջազգային մակարդակի վրա պետք է բարձրացնել այս խնդիրը: Որովհետև պատկերացրեք, թե քանի հոգի կան այդ սև ցուցակում, սա վատ նախադեպ կդառնա, և մարդկանց մոտ մտավախություն կառաջանա Արցախի Հանրապետություն այցելելիս:
Երկու դիկտատորներ հանդիպում են, միմյանց պարգևներ են փոխանակում, Լուկաշենկոն խոսք է տալիս արժանի դառնալ իրեն տված պարգևին, և նրա առաջին քայլը հենց լինում է Ռուսաստանի և Իսրայելի քաղաքացու հանդեպ գործողությունների իրականացումը: Առաջին հերթին օրենսդրական դաշտը պետք է կարողանանք մատնանշել, մարդու իրավունքների, ազատ տեղաշարժի իրավունքի ոտնահարման մասնին պետք է բարձրաձայնենք: Եվ միաժամանակ պետք է բարձր պահենք Հայաստանի պատիվը: Երբ որ Հայաստանը և Բելառուսը գտնվում են նույն ճամբարում՝ այն ԵՏՄ կանվանենք, թե ՀԱՊԿ, և երբ որ մարդը այցելել է ԼՂՀ և քո ազգային շահերից ելնելով՝ Արցախի վերաբերյալ նյութ է պատրաստել, պետք է կարողանաս նրա խնդիրը դարձնել քո խնդիրը: Սա նաև Հայաստանի պատվի և իմիջի հարցն է:
Սաֆարովի դեպքից հետո Հայաստանը Հունգարիայի հետ խզեց դիվանագիտական հարաբերությունները, միգուցե հենց այդ հարցը բարձրացնելուց պետք է սկսել:
Հարցազրույցն ամբողջությամբ՝ տեսանյութում: