Մեկ՝ ARMOIL ընկերության օրինակով «Առաջին լրատվական»- ը ներկայացնում է նոր կառավարության գործունեության արդյունավետությունը, ինչպես նաև, թե ինչ խնդիրներ են լուծվել կամ առաջացել բիզնես միջավայրում: ARMOIL ընկերությունը Հայաստանում գործունեություն է ծավալում 2013թ-ից, կատարել է 35 միլիոն դոլարի ներդրում: Ընկերությունն ունի ավտոյուղերի արտադրություն Դուբայում և Իրանում: Ընկերության արտադրանքը արտահանվում է Հնդկաստանից մինչև աֆրիկական երկրներ:
ARMOIL ընկերության տնօրեն Ալֆրեդ Աբեդիի հավաստմամբ՝ ընկերությունը 2015-ի սկզբին Հայաստանի խոշոր 1000 հարկատուների ցուցակում 58-րդ տեղն էր զբաղեցնում, այսօր, սակայն, ընկերությունն այդ ցուցակում տեղ չի գտել: Արդեն 7 ամիս է ընկերությունը չի գործում:
«Մենք երեք ամիս առաջ կառավարությանը ներկայացրել ենք նախագիծ այն մասին, որ Մեղրիում կարող ենք վերամշակել դիզվառելիքը՝ ստանալով բարձր որակի դիզվառելիք: Ոչ մի արձագանք դեռևս չենք ստացել: Յուղերի ներկրումը ևս դադարեցվել է, որովհետև շահավետ չէ, երաշխիքներ չկան, շուկայում խնդիրներ են առաջացել»- ասաց Ա. Աբեդին՝ հավելելով, որ շուկան պետք է վերահսկվի, վտանգավոր, վնասակար յուղեր են վաճառվում Հայաստանում:
Նրա դիտարկմամբ՝ Հայաստանում ներդրողների համար ոչ մի արտոնություն չի ստեղծվում, խրախուսանքներ չեն տրվում:
«ՓՄՁ համագործակցության ասոցիացիա» ՀԿ փոխնախագահ Սամսոն Գրիգորյանն «Առաջին լրատվական»- ի հետ զրույցում կարծիք հայտնեց, որ յուղի ներկրմամբ զբաղվող իրանական ընկերության գործունեության դադարեցման պատճառը մենաշնորհն է:
Մանրամասները՝ տեսանյութում: