Ադրբեջանական Turan լրատվական գործակալության փոխանցմամբ՝ Ադրբեջանի նախագահ Իլհամ Ալիևը կառավարության այսօրվա նիստում հայտարարել է, որ 2016 թվականի հիմնական առաջադրանքը եղել է արժութային պաշարների պահպանումը, և որ այդ նպատակը ձեռք է բերվել.
«Նախորդ տարվա բոլոր առաջադրանքները կատարվել են, գտնվել է ճգնաժամային իրավիճակից դուրս գալու ուղին, որը ստեղծվել էր նավթի գնանկումից։ Ադրբեջանը 2016 թվականին շարունակել է վստահ զարգացումը։
Սակայն նավթի գների եռակի, քառակի անկման պատճառով կրճատվել է Ադրբեջանի ՀՆԱ-ն։ 2016 թվականը պատմության մեջ կմնա որպես տնտեսական խորը բարեփոխումների տարի, և որ ընդունված որոշումները կազդեն ոչ նավթային սեկտորի զարգացման վրա»։
Ելույթի վերջում Ալիևը 2017 թվականը որակել է որպես «Իսլամական համերաշխության տարի»։ Հաղորդվում է, որ 2016 թվականին Ադրբեջանի ՀՆԱ-ն կրճատվել է մոտ 3 տոկոսով, իսկ ինֆլյացիան կազմել է 12 տոկոս։