Լուրեր
Մենք անհաղթ ենք. իշխանաՀետ ՔԱՔ-ի ցուցակում կընդգրկվեն հավաքարարներ, տաքսիստներ ու կթվորուհիներ
  • 21:30
  • 2017-01-09
  • Դիտումներ՝ *

«Առաջին լրատվական»- ի հետ զրույցում անդրադառնալով հարցին, թե ինչ աշխատանքներ են իրականացվում խորհրդրանական ընտրություններին ընդառաջ, «Քաղաքացիական ակտիվ քայլ կուսակցության» համահիմնադիր, լրագրող Արման Սուլեյմանյանը նշեց. «Ի սկզբանե մենք  հայտարարել էինք, որ պայքարը լինելու է վիրտուալ տիրույթում այն պարզ պատճառով, որ ոչ մեկին բախտ չի վիճակվում մեծ թվով մարդկանց հանել փողոց, հաշվի առնելով ցուրտը՝ դա ավելի անհնար է:

Օրենքով արգելված չէ աշխատանքներն իրականացնել օնլայն, և մենք մտածեցինք՝ ինչու պետք է պարտադիր դահլիճ վարձել, ավտոբուսներով մարդկանց տեղափոխել, որոնք չգիտեն՝ ուր են գալիս և ինչ են խոսում, և այդ ամենը լեգալիզացվում է որպես համագումար:

Հետևաբար հունվարի 15-ին մեր կուսակցությունը՝ «մարդ-կուսակցությունն» օնլայն համագումար է անցկացնելու, մենք դիմելու ենք մեր 2000 անդամներին, խնդրելու ենք, որ այն անձինք, ովքեր ՀՀ քաղաքացիություն ունեն և ուզում են ներգրավված լինել գործընթացում, իրենց անձնագրային տվյալներն ուղարկեն օնլայն ռեժիմով, տվյալները հավաքագրելու ենք, փաթեթ ենք կազմելու և հանձնելու ենք Արդարադատության նախարարություն:

Հիմնն ենք ստեղծում, հիմնի բառերն արդեն կան, մի ամբողջ անսամբլ աշխատում է, հայտնի մարդկանց հետ ենք աշխատում:

Մեծ հաշվով մեր նպատակը ստեղծագործական թիմ հավաքելն է, որը պատառ-պատառ կանի մյուս քաղաքական ուժերին»:

Կա կարծիք, որ ՔԱՔ-ի հանդես գալը անլրջացնում է քաղաքական գործընթացները, անդրադառնալով այս դիտարկմանը՝ Ա. Մուսայելյանը նշեց. «Երկու կարևոր հանգամանք կա ՔԱՔ կուսակցությունում. առաջինը՝ գաղափարը ստեղծվել է այնպես, որ մենք  Հովհ. Թումանյանի «անհաղթ աքլորն» ենք, մեզ հնարավոր չէ հաղթել: Կոնցեպցիան այնպիսին է, որ այն մարդիկ, ովքեր փնթփնթում են, հայտնվում են ծիծաղելի իրավիճակում: Եվ կարծում եմ Սերգեյ Դանիելյանը հոյակապ մեկնաբանություն է տվել. «Եթե կա քաղաքական ուժ, ով վախենում է, որ ՔԱՔ-ը կարող է իր ձայները տանել, ապա սա հրաշալի գնահատական կարող է լինել տվյալ քաղաքական ուժի համար»:

Մուսայելյանի խոսքով՝ եթե ամեն ինչ հրաշալի լինի և ընտրվեն, չեն գնալու ԱԺ. «Մենք գտնում ենք, որ քաղաքական գործիչները առանց մասնագիտության մարդիկ են, իսկ մենք մասնագիտություն ունենք և սիրով ենք անում այն, ինչ անում ենք… Մենք կարծում ենք, որ մեր ցուցակի առաջին համարում կարելի է մի գործազուրկի գրել, երկրորդում՝ մի կթվորուհու, երրորդում՝ տաքսու վարորդի, այսինքն՝ պարզ, հասարակ մարդկանց տալ հնարավորություն 5 տարի ոչ մի բան չանել և գումար աշխատել… Սովորաբար կուսակցությունները ստեղծվում են շահից ելնելով, մենք մերժում ենք շահը, կոտրում ենք բոլոր կարծրատիպերը»:

Մանրամասները՝ տեսանյութում:

  • Դիտումներ՝ *