Հայաստանում գործող 21 բանկից կշարունակի աշխատել միայն 17-ը․ի՞նչ խնդիրների կհանգեցնի բանկերի միավորումը
Կենտրոնական բանկի որոշմամբ՝ 2017թ. հունվարի 1-ից Հայաստանի բանկերի մեկնարկային կապիտալի չափը 5 միլիարդ դրամից հասցվելու է նվազագույնը 30 միլիարդ դրամի, հակառակ դեպքում բանկերը կա՛մ պետք է միացվեն այլ բանկերի, կա՛մ պետք է լուծարվեն: Այս պահին գործում է 21 բանկ: Թեմայի շուրջ «Առաջին լրատվական»- ի հետ զրույցում Հայաստանի բանկերի միության նախագահ Սամվել Ճզմաչյանը նշեց, որ ի սկզբանե Հայաստանի բանկերի միությունը կողմ է եղել ԿԲ որոշմանը՝ մինիմալ կապիտալի պահանջը 5 միլիարդից 30 միլիարդի հասցնեու հարցում:
Մենք համոզված ենք, որ դա շատ ճիշտ որոշում էր և ժամանակին, որովհետև տնտեսության վատթարացման հետևանքով նաև բանկերում առաջացան կուտակումներ՝ ժամկետանց պարտքերի և այլ չվճարումների գծով, թե բնակչության, թե ռեալ տնտեսության կողմից, և դա կարող էր խնդիրներ առաջացնել: Մյուս կողմից էլ ազատ միջոցներ էին կուտակվել բանկերում:
2017թ. հունվարի մեկից Հայաստանում կգործի 17 բանկ, 4 բանկեր միացել են մյուս բանկերին:
Սամվել Ճզմաչյանի խոսքով՝ Հայաստանի տարածքում բանկերի շատ լինելը օգուտ է թե՛ տնտեսության, թե՛ բանկային համակարգի համար: Նրա հավաստմամբ՝ ԿԲ-ն իջեցնելու է վերաֆինանսավորման տոկոսադրույքը:
Սամվել Ճզմաչյանը նշեց, որ բանկերի խոշորացման արդյունքում բանկային տնտեսության մեջ ավելացել է 300 միլիոն դոլարից ավելի միջոցներ:
Մանրամասները՝ տեսանյութում:
