ԱՄՆ իշխանությունները 2014 թվականին զորքերի դուրս բերումից հետո առաջին անգամ ծովային հետևակներ կուղարկեն Աֆղանստանի հարավային Հելմանդ գավառ։ Այս մասին հայտնում է Reuters գործակալությունը։
Ինչպես լրագրողներին հայտնել է ԱՄՆ բանակի գեներալ-մայոր Ռոջեր Թերները հեռուստակոնֆերանսի ժամանակ, մոտ 300 ծովահետևակայիններ կուղարկվեն Հելմանդ՝ «Թալիբանի» գրոհայինների դեմ պայքարում անվտանգության տեղի ուժերին աջակցելու համար։
Նա նշել է, որ հետևակայինների տեղակայումը կանցկացվի զորքերի կանոնավոր ռոտացիայի շրջանակում։ Նրանք կփոխարինեն զինծառայողներին, որոնք ներկայում մասնակցում են Հելմանդում աֆղան զինվորականների նախապատրաստմանը և ցուցաբերում նրանց խորհրդատվական աջակցություն։
