Էլվիս Աարոն Փրեսլին ծնվել է 1935 թ. հունվարի 8-ին Տուպելոում (Միսիսիպի նահանգ, ԱՄՆ) բարեպաշտ և ոչ հարուստ ընտանիքում: Երգչի իր կարիերան նա սկսել է եկեղեցական երգչախմբում, և արդեն 10 տարեկանում մրցանակ է ստացել տոնավաճառում ազգային երգի կատարման համար: Այս մասին գրում է Calend-ը:
Դպրոցն ավարտելուց հետո Էլվիսը մի քանի երգ է ձայնագրել սկավառակի վրա, որը թողարկվել է միակ օրինակով՝ նվեր մոր համար: Մեկ տարի անց թողարկվել է առաջին սինգլը՝ That’s all right, 20 000 օրինակով, որը շատ արագ գնվել է: Նոր երաժշտական ոճը, ավելի ճիշտ՝ տարբեր ոճերի խառնուրդը, որը ստեղծել է Էլվիս Փրեսլին Սքոթի Մուրի և Բիլ Բլքի հետ, ավելի ուշ անվանվել է «ռոք-ն-ռոլ»:
1956 թ. երգչին համաշխարհային փառք է բերել: Նրա Heartbreak Hotel սինգլը վաճառվել է ավելի քան մեկ մլն օրինակով: Դրան հաջորդել են ոչ պակաս հաջողված Blue Suede Shoes-ը և I want You, I Need You, I Love You-ն: Փրեսլին դարձել է դեռահասների և երիտասարդների կուռքը:
Էլվիսին սկսել են հրավիրել կինոյում նկարահանվելու, 1960-ական թթ. վերջին – 1970-ական թթ. սկզբին նա վարում է ակտիվ համերգային գործունեություն, ստեղծում հագուստի իր յուրահատուկ ոճը:
1973 թվականից հետո սկսվել են նրա առողջական խնդիրները, դեղից կախվածություն է առաջացել… Էլվիս Փրեսլին մահացել է 1977 թ. օգոստոսի 16-ին Մեմֆիսի (ԱՄՆ) իր տանը:
