«Առաջին լրատվական»- ի հետ զրույցում, ամփոփելով հիմնադրամի կատարած աշխատանքները, արձանագրելով արդյունքները և անդրադառնալով հարցին, թե արդյոք նախորդ տարիների համեմատ սփյուռքահայերի մասնակցությունը գործընթացներին մեծացել է, թե ոչ, «Վերադարձ Հայաստան» հիմնադրամի տնօրեն Վարդան Մարաշլյանը նշեց. «Այս տարին իհարկե շատ բարդ տարի էր բոլորիս համար և որոշ չափով դրամատիկ: Մենք ականատես ենք եղել լուրջ փոփոխությունների և պրոցեսների, որոնք բնականաբար ազդելու են Հայաստանի ապագայի վրա:
Մենք 2016-ին փորձեցինք փոխել մեր ծրագրերը, համապատասխանեցնել այն խնդիրներին, որի առաջ մենք կանգնած ենք: «Վերադարձ Հայաստան»-ը «Արար» հիմնադրամի և «Սահման» ՀԿ-ի հետ համատեղ նախաձեռնությամբ կազմակերպեց դրամահավաք, որի շրջանակներում 300-ից ավելի մարդ 20 երկրից մասնակցեց, և աջակցություն ցուցաբերեցինք մոտ 70 ընտանիքների՝ զոհված և ծանր վիրավոր զինվորների ընտանիքներին, և նաև տրամադրեցինք շատ կարևոր բժշկական սարքավորումներ պաշտպանության նախարարությանը:
Մեր հիմնական աշխատանքների ընթացքում դինամիկան դրական էր: Ամռան ամիսներին որոշ չափով անկում կար, որովհետև իրավիճակը շատ բարդ էր հուլիսյան դեպքերի ընթացքում:
Այն սփյուռքահայերի մի մասը, ովքեր մտածում էին տեղափոխվել Հայաստան, որոշեցին պլանները հետաձգել պատերազմի և անորոշության պատճառով, և հակառակ պրոցեսն էլ կար, մարդկանց մյուս մասը, ովքեր չէին պլանավորել տեղափոխվել, կամ պլանավորում էին դա անել ավելի ուշ, համարեցին, որ սա ճիշտ ժամանակն է, որ իրենք տեղափոխվեն, և որ իրենք պետք են Հայաստանին:
2017թ. մենք մտնում ենք որոշակի մտավախություններով, բայց նաև պոզիտիվ էներգիայով»:
Մանրամասները՝ տեսանյութում:
