Mitsubishi ավտոընկերությունը հայտնել է 2017 թ. օգոստոսին Lancer մոդելի արտադրությունը դադարեցնելու ծրագրերի մասին: Այս մասին հայտնել է Հյուսիսային Ամերիկայում ընկերության տնօրենի տեղակալ Դոն Սվերինգերը:
Հաղորդվում է, որ ընկերությունում արդեն վաղուց քննարկվում է Lancer ավտոմեքենաների արտադրությունը դադարեցնելու հնարավորությունը: Դա կապված է Mitsubishi Lancer-ի վաճառքի նվազման հետ: Շահույթն այդ մոդելից 2002-2016 թթ. զգալիորեն նվազել է: Եթե 2002 թ. Mitsubishi-ին հաջողվել է 69 000 այդպիսի ավտոմեքենա վաճառել, ապա մինչև 2016 թ. վաճառքի ծավալները կրճատվել, են մինչև 14 300:
Առայժմ ընկերությունը ծրագրում է աստիճանաբար կրճատել արտադրությունը:
Սվերինգերը նաև հայտարարել է, որ ընկերությունը մտադիր չէ մոդելային շարք մտցնել ավտոմեքենա, որը կփոխարիներ Mitsubishi Lancer-ին: Ըստ արտադրողի՝ ներկայումս Mitsubishi շարքում «С» դասի բավականաչափ լավ ավտոմեքենաներ կան: