«Մարդիկ երբ երկար ժամանակ իրարից նեղացած, խորթացած են լինում, Ամանորը լավ հարթակ է հանդիպելու, բարիշելու համար, կարծում եմ, որ այդպես կվարվեն նաև քաղաքականությամբ զբաղվողները, նրանք կօգտագործեն հնարավարությունը»,-:«Առաջին լրատվական»- ի հետ զրույցում ասաց «Մխիթար Սեբաստացի» կրթահամալիրի տնօրեն Աշոտ Բլեյանը:
Անդրադառնալով քաղաքական դաշտում վերջին շրջանում տեղի ունեցող իրադարձություններին, մասնավորապես դիտարկմանը, որ հասարակության մի ստվար հատված բուռն է արձագանքում պաշտպանության նախկին նախարար Սեյրան Օհանյանի՝ քաղաքականություն մուտք գործելուն՝ մատնանշում են Մարտի 1-ի, քառօրյա պատերազմի հետ նրա առնչությունը, Ա. Բլեյանը նշեց. «Եթե «ջնջելով» գնանք, ո՞վ կմնա, վտանգավոր է դատապարտման ճանապարհը: Մարդը որոշել է մտնել քաղաքականություն, ես ասում եմ՝ համեցեք: Ինչքան կարող ուժեր կան, թող մտնեն քաղաքականություն: Գործիչը պետք է գործի: Պետք է հաղթահարել անջրպետները:
Բլեյանի դիտարկմամբ՝ Ս. Օհանյանն իր հետ կկարողանա բերել նոր մարդիկ, նոր խոսքեր, նոր հնարավորություններ ու միջոցներ:
Բլեյանի կարծիքով՝ հնարավոր է ընտրական գործընթացով ինչ-որ բան փոխել. «Նորից փորձեք, ինչպես ուզում եք արեք, բայց թևաթափ մի արեք հասարակությանը: Գործիչը պետք է գա հարթակ, փորձի լինել ավելի ուժեղ»:
Ա. Բլեյանը նշեց, որ ոչ թե միապաղաղ, այլ հետաքրքիր ընտրություններ են սպասվում առաջիկայում: Նրա խոսքով՝ պետք է կեղծ կոչերը թողնել և նոր գաղափարներ ու լուծումներ առաջ քաշել:
«Ինչպես նվաճել ընտրողի քվեն… հասարակությունը հեռանկարի կարիք ունի, թող ներկայացնեն ապագայի տեսլականը… »,- նշեց Աշոտ Բլեյանը:
Մանրամասները՝ տեսանյութում: