«Չկա ձևավորված տեսլական, թե հետխորհրդային, անկախ Հայաստանն ինչ է ուզում անել, ինչ կերպարանք է ուզում ընդունել… Բոլորս սիրում ենք Երևանը, բայց եթե 80-ականներին Երևանը առաջադեմ քաղաք էր ԽՍՀՄ-ի մասշտաբով, հիմա արդեն բավականին մաշված, հետադիմական քաղաք է՝ աշխարհի մասշտաբով»,- «Առաջին լրատվական»- ի հետ զրույցում այս մասին ասաց հրապարակախոս Արա Նադոլյանը՝ հավելելով, որ այս իրավիճակը առաջադեմ հանրության պարտությունն է:
«Առաջադեմ հանրությունը մարդկային կորուստ է կրել՝ առաջադեմ է և նրա համար ավելի հեշտ է ինքնադրսևորվելը մեր երկրից դուրս. 25 տարի անընդհատ լավագույնների արտահոսք է տեղի ունենում»,- նշեց հրապարակախոսը:
Հրապարակախոսի դիտարկմամբ՝ իշխանությունը փորձում է դառնալ ավելի դաշնակցային, ֆեդերատիվ, այսինքն՝ ուզում է լինել ոչ թե կոշտ միասնություն, այլ փունջ՝ կազմակերպությունների, կուսակցությունների, առաջնորդների, օլիգարխների, ուժային կենտրոնների, և դա նպաստավոր է իշխանության համար:
Ա. Նադոլյանի խոսքով՝ Նիկոլ Փաշինյանի, Լևոն Տեր-Պետրոսյանի, Ժիրայր Սեֆիլյանի աշխարհընկալումները իշխանությունից տարբեր են, (Սփյուռքը նույնպես ունի այլ աշխարհընկալումներ), և նրանց մասնակցությունն ընտրություններին իշխանական չէ: Իսկ Գագիկ Ծառուկյանը և Սեյրան Օհանյանն ունեն իշխանության աշխարհընկալման հետ համընկնող աշխարհընկալումներ, և վերջիններիս իշխանության գալով՝ իշխանափոխություն չի լինի:
Մանրամասները՝ տեսանյութում:
