Donaukurier գերմանական պարբերականին տված հարցազրույցի ժամանակ սոցիոլոգ Իգոր Էյդմանը հայտարարել է, որ Կրեմլը ակտիվ կերպով միջամտելու է Բունդեսթագի նախընտրական արշավին և փորձելու է ապակայունացնել իրավիճակը Գերմանիայում և Եվրոպայում: Իգոր Էյդմանը ռուս սպանված ընդդիմադիր գործիչ Բորիս Նեմցովի զարմիկն է, որը 2011թ. բնակվում է Գերմանիայում:
Ղրիմի բռնակցումից և Ուկրաինայի դեմ Ռուսաստանի ագրեսիայից հետո սկսվել է նոր սառը պատերազմ: Արևմուտքը փորձում է պատժամիջոցների և դիվանագիտական ճնշման միջոցով կանգնեցնել Պուտինին: Ռուսաստանն իր հերթին կաշառում է արտասահմանցի քաղաքական գործիչներին և աջկցում ռուսամետ թեկնածուներին: Կրեմլը հսկայական միջոցներ է ծախսում Գերմանիայում հասարակական կարծիքի վրա ազդելու համար և PR մասնագետների միջոցով ամեն կերպ առաջ է մղում ռուսական շահերը՝ ասել է Էյդմանը:
Նրա կարծիքով՝Պուտինի ամենակարևոր խնդիրը Գերմանիայի կանցլեր Անգելա Մերկելին տապալելն է: Շատ հավանական է, որ առանց Մերկելի ՌԴ-ի դեմ սահմանված պատժամիջոցները չեղարկվեն: Պուտինը երազում է, որպեսզի Գերմանիայում իշխանության գան իրեն հավատարիմ ուժեր: Այս դեպքում նա կկարողանա դառնալ թուլացած Եվրոպայի ղեկավար:
Սոցիոլոգը նշել է, որ Գերմանիան կարող է պաշտպանվել «սուտ ճշտից», գերմանացի լրագրողները պետք է հետաքննություն սկսեն Կրեմլի քարոզարշավի վերաբերյալ:
Էյդմանը հավատացած է, որ «2017թ. ամենամեծ սպառնալիքը պուտինիզմի տարածումն է, այլ կերպ ասած՝ վտանգ կա, որ առաջատար եվրոպական պետություններում իշխանության կարող են գալ ծայրահեղ աջ ուժերը կամ պուտինամետ կուսակցությունները»:
