Ռուսական TASS լրատվական գործակալության փոխանցմամբ՝ Իրանը 20 օտարերկրյա ընկերությունների, այդ թվում նաև ռուսական «Գազպրոմ»-ին թույլատրել է մասնակցել նավթագազային նախագծերի մրցութային փուլին։
Այդ մասին նշված է Իրանական ազգային նավթային ընկերության (NIOC) կայքում։ Թույլտվություն ստացածների թվում են հայտնվել ֆրանսիական Total, անգլո-հոլանդական Shell, իտալական Eni, չինական CNPC, մալայզիական Petronas և այլ ընկերություններ։
NIOC-ը հայտնել է, որ պայմանագրերը կնքվելու են նոր ձևաչափով։ Նախկինում դրանք կնքվել են buy back (ներդրումների վերադարձ) պայմանով. համատեղ ձեռնարկություններն աշխատելու են արտադրանքը կիսելու պայմաններում։
